Sáttmálasjóður
Háskólaráð Háskóla Íslands setur reglur um úthlutun úr Sáttmálasjóði. Þeir starfsmenn sem fá störf sín metin samkvæmt matskerfi opinberra háskóla og hafa fulla rannsóknaskyldu geta sótt um utanfararstyrki til Sáttmálasjóðs vegna ferða á alþjóðlegar vísindaráðstefnur, til þátttöku í alþjóðlegum vísindaverkefnum og til gagnaöflunar vegna rannsókna að uppfylltum ákveðnum skilyrðum. Skilyrt er að viðkomandi séu í 51% starfi eða meira hjá Háskóla Íslands.
Styrkumsækjandi þarf að vera með framlag á ráðstefnunni til að fá styrk úr sjóðnum. Aðeins fastráðnir prófessorar við Háskóla Íslands geta sótt um styrki úr sjóðnum.
Athugið breytingu 2024 og 2025
Á fundi háskólaráðs HÍ þann 9. janúar 2025 voru tillögur fjármálanefndar ráðsins um skiptingu fjár 2025 samþykktar.
Mikið aðhald er framundan í rekstri skólans. Ein af tillögunum var að ekki verði veitt fé í Sáttmálasjóð á árinu 2025.
Af því leiðir að líkt og á árinu 2024 verði ekki unnt að veita fé úr sjóðnum til að styrkja ferðir.